MWALIMU JULIUS KAMBARAGE NYERERE BABA WA TAIFA LA TANZANIA,JE NI KWANINI ATAJWE PEKE YAKE KATIKA HARAKATI ZA KUPIGANI UHURU?

 

Mwaka 1954 mwalimu Julius kambarage nyerere aliporejea kutoka  chuo kikuu cha Edin Burg uingereza alikutana na viongozi wa chama cha TAA(Tanganyika Africana Association) wa taifa ndipo alipozungumza nao juu ya kuanzishwa kwa chama cha siasa,Badala ya chama cha Starehe.

Viongozi hao wa chama cha TAA walikubaliana nae na ndipo katika mkutano mkuu wa chama cha TAA ,uliofanyika tarehe 7|7|1954 huko mtaa qa Lumumba kwa sasa,katika ofisi za makao makuu ya TAA,katika mkutano huo ndipo chama cha TANU kilizaliwa yaani TANGANYIKA AFRICAN NATION UNION) kama chama cha siasa cha kupigania uhuru wa Tanganyika.

Viongozi haoa walikubaliana kubadilisha chama chao cha starehe TAA kuwa chama cha siasa cha TANU. Ina maana kuwa matawi Yote ya majimbo katika nchi ya mikoa 8 ya Tanganyika yaligeuka kuwa matawi ya TANU,Harakati za kupigania uhuru zikaanza na hata mwalimu nyerere alipita katika majimbo mbalimbali kueneza chama cha TANU na huko alikutana na viongozi ambao walimuunga mkono kwa kushirikiana nae katika kupigania uhuru.

Viongozi hao walijitolea  kupokea na kumkaribisha Mwalimu hata kumpatia usafiri,malazi na chakula. Ifahamike wananchi kwa kushirikiana na viongozi wao wa matawi walitoa michango mbalimbali na wapo waliopata matatizo mbalimbali katika kupigania uhuru huo kama vile wapo waliopoteza mali zao,waliofungwa na hata waiotengwa na familia zao na jamii pia.

Vilevile mwalimu ilibidi aache kazi na waliamua ahamie Magomenim mjini dar es salaam katika nyumba ya kupanga,mwalimu alipata misukosuko kama vile kushtakiwa mahakamani lakini pamoja na misukosuko hiyo  alifanikiwa kwenda New york Marekani katika baraza kuu la umoja wa mataifa(UNO) na kuwasilisha hoja za Tanganyika kupata uhuru,lakini ililazimika kufanyike uchaguzi wa kura tatu.

Kura tatu ni uchaguzi ambao kila chama cha siasa ilibidi kuweka wagombea watatu Mzungu,Mwasia na Mwafrika, uchaguzi ambao chama cha TANU kilifanikiwa kupata ushindi.

Hatimae  mwaka 1960 tulipata serikali ya madaraka ya ndani, 1961 tukapata uhuru na 1962 tukapata Jamhuri. Inabidi ifahamikeni kina nani wameshiriki katika kupigania uhuru wa nchi yetu,inabidi jamii ya Tanzania ijue ni kina nani wameshiriki kikamilifu katika kupigania uhuru wan chi yetu katika ngazi ya taifa.

Mbali na hayo tujue ni wazee gani kwa majina wameshiriki kupigania uhuru katika ngazi ya mkoa,wilaya hata majimbo. Katika harakati za kupigania uhuru wapo waliopata matatizo mengi kama vile wapo waliopoteza mali,ajira na hata ndoa zao kuvunjika, kufungwa magerezani na wengine kutengwa na jamii kwa sababu ya kupigania uhuru .

Lakini leo hakuna mtu yeyote katika wasomi wetu wa historia,Viongozi wa juu,wanasiasa na jamii ya watanzania kwa ujumla inaowakumbuka au kuwataja,kwanini kusifanyike utafiti wa kina utakaowezesha kutambuliwa kwa watu hao na hata ikiwezekana serikali ya sasa kuwalipa fidia kwa Madhara waliyoyapata kutokana na kutetea na kupigania uhuru wa nchi hii kwa kuwapa nishani,kwa kufanya hivi itakuwa halali kuwa waliopigania uhuru wa nchi hii mchango wao umetambulika na wamefahamika kwa watanzania.

Je ni uongo hakuna wazee wanaolalamika kuwa walishiriki kupigania uhuru wan chi hii ya TANZANIA kwa sasa lakini wanajutia mchango wao huo kwa sasa kwani Viongozi walipokwisha pata uhuru wao na kufaidi matunda ya uhuru,sasa  wao wamekuwa hawana maana tena, JE NI HALALI KUTOWAKUMBUKA?

Kwa mfano mdogo ukimuuliza mwanafunzi aliyemaliza kidato cha nne ni majina ya watu gani  yaliyoanzisha chama cha TANU? Mzee Derick Bryson alikuwa nani? Hata mzee Rashid kawawa hawajui mchango wake katika kupigania uhuru w a nchi hii

Je kutofahimika kwa wapigania uhuru wa kitaifa,mkoa ,wilaya na je kuna sababu zipi za kutoandika historia ya kweli ya harakati za kupigania uhuru baada ya miaka 50,iwe tunamtaja Mwalimu nyerere peke yake?

Kwa maoni yangu nafikiri ingekuwa  bora sana tunapozungumzia Nyerere Day basi ni vyema wakakumbukwa na wapigania uhuru wengine kwa kuwataja majina yao kwa kuthamini mchango wao wa kupigania uhuru ambao leo hii sisi ndio tunaokula matunda yake.

                                            

                                              IMEANDALIWA NA MMILIKI WA BLOG

                                                    Email: Stambulin1991@gmail.com,