KOMBE LA DUNIA: NIGERIA NJE, YAPIGWA 2-0 NA FRANCE!

France imefanikiwa kuingia Robo Fainali ya Kombe la Dunia huko Brazil baada ya hii Leo kuitwanga Nigeria Bao 2-0.

Bao zote za Mechi hii zilifungwa Kipindi cha Pili na la kwanza kwenye Dakika ya 79 kwa Kichwa cha Paul Pogba baada ya Kipa Enyeama kushindwa kuicheza Krosi na kumkuta Pogba aliemalizia kilaini.

Bao la Pili lilifungwa Dakika ya 91 na ni la kujifunga mwenyewe Joseph Yobo baada ya Krosi ya chini ya Mathieu Valbuena kuchinjwa na Antoine Griezmann na Mpira kumgusa Yobo na kutinga wavuni.

Kwenye Robo Fainali, France itacheza na Mshindi kati ya Germany na Algeria wanaocheza baadae Leo hii.

VIKOSI:

NIGERIA: Enyeama, Ambrose, Yobo, Oshaniwa, Omeruo, Onazi, Mikel, Musa, Odemwingie, Moses, Emenike.

Akiba: Ejide, Agbim, Uzoenyi, Gabriel, Egwuekwe, Odunlami, Oboabona, Azeez, Nwofor, Uchebo, Ameobi.

FRANCE: Lloris, Debuchy, Evra, Koscielny, Varane, Cabaye, Valbuena, Benzema, Matuidi, Pogba, Giroud.

Akiba: Ruffier, Landreau, Sakho, Cabella, Griezmann, Mavuba, Mangala, Sagna, Digne, Sissoko, Remy, Schneiderlin.

Refa: Mark Geiger (USA)